Wortmolerei

Ich deet geere mole kenne
wie all die Määschder, wo mer kennt,
wollt gewwe mer aach alle Mieh.

Ich deet geere mole kenne
wie van Goch met Kraft unn Licht.
So loggerleicht kriet der das hie.

Ich deet geere mole kenne
wie de Rubens rund unn voll.
Do kammer`s bralle Lewe sieh.

Ich deet geere mole kenne
wie Picasso nor met Strich.
De Sinn mischt mer nit glei vestieh.

Nää, so kann ich halt nit mole,
ich mol uff e anner Art,
vesuch`s, met Werder hiesekrie.

Do, mei Bensel ess die Ferrer,
mei Palett die pälzer Sprooch
met dausend Farwe unn noch mie!

Mol aus freier Hand Gedichde,
bliedeweiß, dann raweschwarz,
aach ritzerot unn grasegrie.

Mol aus freier Hand Geschichde,
wo mei Hern sich ausgedenggt.
Die Ferrer fehrt mei Fandasie.

Wann om Enn die Leit vezehle:
"Dasdoo Gedicht, das rehrt mich oo!"
dann sein aach ich e Molschennie . . .

Norbert Schneider

Bergstraße 43
55592 Rehborn
Deutschland

Fax:  +49 6753 962830
Tel.:  +49 6753 3358
E-Mail:  info@mundart-schneider.de

www.mundart-schneider.de

"... Norbert Schneiders Mundartarbeiten
kommen aus dem Herzen und
packen Leser wie Zuhörer ..."
Richard Walter