Summer im Lewe

Nimmi ganz so jung sei - 
awwer mer geheert aach noch nit zu de Alde.

Vadder unn Mudder noch hunn - 
awwer die eijene Kinn sein schunn aus`m Dreck.

Met de Welt unn sich sefreere sei - 
awwer mer dräämt noch vun manche Sache.

Schunn fuffzeh Johr schaffe gieh - 
awwer alsfort fährt mer noch geere uff die Arwet.

Schunn e Haufe Erfahrunge hunn - 
awwer mer hot noch Hunger uff`s Lewe.

     Jetz
     mischt mer
     die Uhr oohalle,
     die Zeijer abbreche,
     die Badderiee erausnemme.

     Jetz ess Summer im Lewe.
     Jetz muß mer ufftangge
     fa die Winderdaae,
     wo noch kumme,
     irchendwann.